Unha alianza cultural, entre  María Carretero, artista internacional, autora da Rúa do Peregrino (1993-1996) na Vila de Sarria, Lugo, km 111 do Camiño de Santiago Francés, - que realiza unha caixa orixinal e única de presentación, asinada por ela, onde aparece o símbolo da obra do Peregrino, transmitindo en quince idiomas, e a través das súas cores e fantasía, a identidade de "AMORIS PEREGRINUS",- e a Excelencia de Pastelería OUSÁ, mestres artesáns desde 1989, que queren levar, desde Galicia- España, aos máis exquisitos padais de todo o Mundo, unha Mensaxe de Arte, Paz e Encontro, para unha mellor convivencia con amor a todos os Peregrinos e Camiños da Terra. Este pensamento, queda reflectido no tríptico, que se atopa no interior da Caixa, para recordo e mensaxe de confraternidade entre todas as persoas de diferentes culturas.

Nesta presentación, organizada en colaboración con Domingo de Famara, Anxo Lameiro, o seu creador, falará como panadeiro e pasteleiro e tamén como empresario; Antonio Celeiro, como coordinador de OUSÁ, cambiará impresións dos produtos que teñen e presentan en Madrid. Tamén se convidou a Javier Gila, recoñecido Catador, cuxo prestixio transcende as nosas fronteiras, e é bo coñecedor dos viños galegos, e o papel que desempeñan no mundo; e á xornalista Pepa Carretero, galega de Caurel, da aldea de Eiriz, que nos relatará a súa experiencia persoal da gastronomía galega, e a influencia que ten na actualidade coa presenza  permanente de programas culinarios nos medios de comunicación.